Primieras estatisticas de la produccion editoriala occitana

, per  Caillon Dorriotz

Lo CIRDÒC ven de publiar las primieras estatisticas de la produccion editoriala occitana. Quò es un internauta que li lor demandet dins la rubrica questions-responsas dau sit Occitanica. Coma lo produccion en lenga nòstra es repartida sus diferents país e regions, e que n’i a pas de donadas compiladas per lenga, l’organisme a degut trabalhar a partir de sa basa documentària.

Lo CIRDÒC a una mission de biblioteca publica de referéncia per çò de la lenga d’òc e es un pòl associat de la Biblioteca nacionala de França. Aitau, aquerís la produccion d’expression occitana tota, quau que siá lo país de publicacion. An compilat 15 annadas de donadas per obténer quelas estatisticas.

Aitau, se publia 166 libres per an, mai que mai de la literatura (51 %) e daus ensais (30 %). La produccion literària se repartís a pus pres equitablament entre los romans e novelas (35 % ), la poesia (30 %) e los contes e faulas (25 %). Per çò daus ensais, las doas tematicas principalas son la linguistica (34 %) e la literatura (32 %). Quelas chifras son establas sus lo periòde de 2000 a 2014.

Seriá intéressant que lo CIRDÒC contunhe de publiar quelas chifras mai que mai per ne veire las evolucions eventualas.