La Fire pren color

, per  Caillon Dorriotz

Amazon ven d’anonciar quauquas noveutats per sa tauleta Kindle Fire. Segur quò es gràcias aus primiers rais de solelh primaverau, vei-la-quí que pren color. Magenta, blau o irange, la Fire es presta per l’estiu!

"Fire es la tauleta d’Amazon que las vendas son estadas, dempuei son lançament, las mai rapidas: en avem vendut daus milions a travers lo monde" çò declaret Jorrit Van der Meulen, Vicepresident ’Amazon Devices EU. "Quò es de mai la tauleta mai venduda sus Amazon.fr. Sem tant mai aürós de presentar uei una tauleta Fire declinada en mai d’una color viva e dotada de mai de memòria d’estocatge per ofrir a nòstres clients un divertiment complet emb una tauleta colorada per mens de 60 euros."

Per çò tecnic, veiquí çò que nos prepausa:

  • ecran IPS 7" (171 ppp / 1024 x 600)
  • processor quadricòr rapide de 1,3 GHz
  • camera davant e arrier
  • 8 o 16 Go d’estocatge emb la possibilitat d’ajostar una carta microSD per una extension d’acianta 128 Go
  • d’acianta 7 oras d’autonomia
  • espaci d’estocatge gratuit e illimitat dins lo Cloud

Son noveu sistema operatiu Fire OS 5 "Bellini" uefra una navigacion repensada, emb las recomandacions Amazon mesas en davant. Ten tanben lo sistema "BLue Shade", un sistema d’optimizacion dau retroesclairatge que redusís la fatiga visuala e la geina per durmir deguda a l’ecran.

Per çò de las aplicacions, la Fire conten notadament Amazon Underground, siá daus miliers de juecs gratuits emb de las vitas suplementàrias, daus niveus desblocats, sus de las aplicacions coma Looney Tunes, la course! ou Goat Simulator. De segur, balha tanben accès aus diferents malhums sociaus, a Netflix e emb l’Abonament Kindle, a una ampla seleccion de mai d’un milions de títol.