Ebook ofert: De la SciFi per Sent Jòrdi

, per  Caillon Dorriotz

Uei sem lo 23 d’abriu, e festam Sent Jòrdi. Quò es lo sent patron de Catalonha e i es celebrat d’un biais especific: queu jorn quí se fau ofrir una ròsa. Mas dempuei las annadas 30, se pòt tanben ofrir un libre. L’idea era de l’escrivan valencian Vicent Clavel i Andrés, director de las edicions Cervantes, que prepauset a sos collegas d’organizar una festa a l’entorn dau libre per ne far la promocion en Catalonha. Quela tradicion vai conquerir lo monde coma l’Unesco la vai declarar Jornada mondiala dau libre e daus drechs d’autor en 1995.

Adonc, Caillon Dorriotz desira celebrar quela jornada coma vautres en vos ofrir un recuelh d’extrachs de doàs novelas qu’avem publiadas dins la colleccion "Imaginari". S’agís de la Maquina a desintegrar d’Arthur Conan Doyle e d’En l’An 2889 de Jules Verne.