Lo DRM, qu’es aquò?

, per  Caillon Dorriotz

Avetz segurament auvit parlar de DRM, benleu sens saubre vertadierament çò quò es. "DRM" es la sigla de Digital Rights Management o Gestion daus Drechs Numerics en occitan. S’agís de poder controlar l’utilizacion d’una òbra numerica. Lo terme designa mai que mai los dispositius logiciaus que permetan una restriccion de son usança: restriccion de la lectura a una zòna geografica, a un materiau especific o un constructor o vendeire, limitacion o empachament de la còpia privada. L’objectiu es de luchar contra lo piratatge informatic de quelas òbras.

Mas totas quelas restriccions pòden rendre l’usança d’un òbra mauaisada. Per exemple, per escotar una musica sus mai d’un supòrt (ordinator, lector MP3), fau aver lo materiau compatible e la possibilitat de copiar lo fichier. Aitau, soventas vetz, la gens recorren au descharjament ilegau per accedir a una òbra aisada d’utilizar e gratis.

Per los editors, l’enjuec essenciau es de poder ofrir sufisament de soplessa a l’utilizator en tot rendre mauaisat lo piratatge. Mai d’un sistema exista e son totjorn a la recercha de noveus biais, o de supòrts e d’usança securizats.