Surtida oficiala per Kindle Oasis

, per  Caillon Dorriotz

La novela es arribada dins la matinada e confirma la rumor que vos ne parlavam ueimatin: Amazon surtirà Oasis, son noveu modele de Kindle, lo 27 d’abriu. A l’ora d’aura es disponible en precomanda.

Las caracteristicas principalas anonciadas son aquí: mai leugier (131g) e mai fin (3,4 mm), Kindle Oasis ten un estug de recharja en cuer, un ecran nauta resolucion de 300 ppp e un esclairatge frontau reglable. De mai Oasis es fach per se tener d’una man, l’orientacion dau texte chamja segon lo costat que lo prenetz.

La talha, l’autonomia (mai d’un mes) e l’ergonomie de queu noveu Kindle son sos atots principaus. De veire si los legeires l’adoptaràn mai que mai emb lo pauc de textes en occitan qu’Amazon publia en electronic.