L’usança mixta daus libres electronic e papier se confirma

, per  Caillon Dorriotz

Lo barometre 2016 de la lectura electronica en França ven de surtir. Nos balha tres tendéncias essencialas de queu merchat especific.

Los lectors de libres electronics son un pauc mai nombrós

Lo nombre de lectors de libres electronics aumenta leugierament ujan (2% de mai), çò que confirma la tendéncia qu’avem dempuei 4 ans. Plan equipats, 29 % utilizan mai d’un supòrt per legir un libre. Legissen fòrça e esitan pas a ’chaptar la version papier en mai de l’electronica.

Los usatges illicits diminusen per respecte au drech d’autor

16% daus lectors declaran qu’an telecharjat illegalament daus libres electronics dau temps que 58% refusan de zo far par respecte per lo drech d’autor. Aitau la tendéncia daus usatges illicits es a la baissa de 4 punts.

La creissença dau merchat dau libre electronic es febla

Si los lectors electronics son mai nombrós, lo barometre mòstra que chaptan mens de libres e que despensan mens. Passan 57 minutas quotidiana a legir davant lor ecran, çò qu’es 14 de mens qu’en 2013.

Dins un merchat dau libre un pauc sorne, l’electronic se manten. Daus usatges noveus son totparier a inventar.