Qu’avem dins nòstras bibliotecas ?

, per  Caillon Dorriotz

Lo sit Eco Socio Conso daus establiments E. Leclerc ven de compilar las donadas 2015 sus los ’chaptadís daus francés per emplir lor biblioteca.

En mejana, legissem 4 oras per setmana siá 35 minutas per jorn. Mas que ’chaptam ?

La literatura generala es, de segur, la categoria la mai ’chaptada (25%), davant la literatura jounessa (21%). Puei venen los libres escolars (18%) e los sus los lésers e lo torisme (16%). Los ensais son pauc ’chaptats (10%) tant coma la BD (9%). En darriera posicion venen los libres d’art (2%). Los libres tradusits son per 58% de lenga anglesa. Puei son revirats daus libres en lenga japonesa (12%) e alemanda (6%).

Lo format majoritari es lo libre standard (72%) luenh davant lo libre de pòcha (25%). Lo libre electronic es enquera a cerchar sa plaça emb 3% de ’chaptadís.

Coma legeire occitan, avetz una biblioteca similara ?