Jornada mondiala daus blògs: nòstras recomandacions

, per  Caillon Dorriotz

Lo 31 dau mes d’aost es la jornada mondiala daus blògs. Son principi es de far descubrir daus sits d’interest. Avem chausit dos jornaus en linha e dos blògs.

Jornalet e A Vòste son dos jornaus en linha de lenga occitana. Nos permeten de viure l’actualitat mai de comprener nòstra societat moderna en lenga nòstra. Avián escrich daus articles a nòstra creacion : una presentacion sus Jornalet e una entrevisda sus A Vòste.

Sus Jornalet, podetz tanben trobar daus blògs d’opinion. Ne vos recomandam dos: lo dau Matiàs Gibert, autor de Translatio Studiorum, qu’i vòu "desvolopar una pensada filosofica en lenga occitana" mai lo dau Joan Marc Leclerc que nos i prepausa una reflexion interessanta sus Simone Weil, l’autora dau Génie d’Oc.