Un novel editor puntcom

, per  Caillon Dorriotz

Caillon Dorriotz es un noveu vengut dins lo monde de l’edicion. Un "puntcom" qui vos prepausarà de las òbras classicas tan coma de las creacions originalas.

Puntcom

Caillon Dorriotz publiarà nonmàs daus libres electronics. Qu’es çò que se ’pela un editor "puntcom", lo terme se podent aplicar a tota entrepresa que trabalha unicament sus Internet. La difusion daus libres serà assegurada, en Occitània mai dins lo Monde, per nòstre partenari Immatériel.fr. Los trobaretz sus un centenat de sits dont las principalas librariàs en linha.

Daus classics

Mai d’una colleccion vos prepausaràn de las òbras classicas en lengas francesa e occitana. Per exemple, los "Classics Nòstres" vos balharàn l’ocasion de tornar trobar los grands textes de la litteratura d’òc. Seràn publiat en francés dins la colleccion "Classiques d’Oc".

De las creacions

De segur, Caillon Dorriotz farà una plaça a la creacion, en aculhir daus autors actuaus e en cerchar daus noveus talents. Daus textes universitaris o sus l’actualitat vos seràn maitot prepausats. Entau, la colleccion "Coneissenças" vos menarà sus los chamins dau saubre en lenga nòstra.

Caillon Dorriotz vos convida a partejar lo plaser de la descuberta